॥ કૃષ્ણાશ્રયસ્તોત્રમ્ ॥

સર્વમાર્ગેષુ નષ્ટેષુ કલૌ ચ ખલ-ધર્મિણિ ॥
પાષંડ-પ્રચુરે લોકે કૃષ્ણ એવ ગતિર્ મમ ॥1॥

મ્લેચ્છાક્રાન્તેષુ દેશેષુ પાપૈક-નિલયેષુ ચ ॥
સત્પીડા-વ્યગ્ર-લોકેષુ કૃષ્ણ એવ ગતિર્ મમ ॥2॥

ગંગાદિ-તીર્થ-વર્યેષુ દુષ્ટૈરેવાવૃતેષ્વિહ ॥
તિરોહિતાધિદૈવેષુ કૃષ્ણ એવ ગતિર્ મમ ॥3॥

અહંકાર-વિમૂઢેષુ સત્સુ પાપાનુવર્તિષુ ॥
લાભ-પૂજાર્થ-યત્નેષુ કૃષ્ણ એવ ગતિર્મમ ॥4॥

અપરિજ્ઞાન-નષ્ટેષુ મન્ત્રેષ્વવ્રત-યોગિષુ ॥
તિરોહિતાર્થદેવેષુ કૃષ્ણ એવ ગતિર્ મમ॥5॥

નાના-વાદ-વિનષ્ટેષુ સર્વ-કર્મ-વ્રતાદિષુ ॥
પાષંડૈક-પ્રયત્નેષુ કૃષ્ણ એવ ગતિર્ મમ॥6॥

અજામિલાદિ-દોષાણાં નાશકોય-ઽનુભવે સ્થિત: ॥
જ્ઞાપિતાખિલ-માહાત્મ્ય: કૃષ્ણએવ ગતિર્ મમ॥7॥

પ્રાકૃતા: સકલા દેવા ગણિતાનન્દકં બૃહત્ ॥
પૂર્ણાનન્દો હરિસ્ તસ્માત્ કૃષ્ણ એવ ગતિર્ મમ ॥8॥

વિવેક-ધૈર્ય-ભક્ત્યાદિ-રહિતસ્ય વિશેષત:॥
પાપાસક્તસ્ય દીનસ્ય કૃષ્ણ એવ ગતિર્ મમ ॥9॥

સર્વ-સામર્થ્ય-સહિત: સર્વત્રૈવાખિલાર્થ-કૃત્ ॥
શરણસ્થવસમુદ્ધારં કૃષ્ણં વિજ્ઞાપયામ્યહમ્ ॥10॥

કૃષ્ણાશ્રયમ્ ઇદં સ્તોત્રં ય: પઠેત્ કૃષ્ણ-સન્નિધૌ॥
તસ્યાશ્રયોવ ભવેત્ કૃષ્ણ ઇતિ શ્રીવલ્લભો-ઽબ્રવીત્ ॥11॥


॥ ઇતિ શ્રીમદ્વલ્લભાચાર્યવિરચિત: શ્રીકૃષ્ણાશ્રય: સંપૂર્ણ ॥